關於武士之家

對你而言，旅行嘅目嘅係乜嘢呢？

我個仔就快 8 歲，所以為咗同老婆一齊留低美好嘅回憶，我經常會同家人一齊出門旅行。想要創造美好回憶，一間好嘅旅館或者酒店自然不可或缺，但喺普通嘅城市酒店入面，一家人想要過夜總會遇到好多唔方便。

• 擔心細路會跌落床……
• 擔心細路哭鬧令周圍嘅人感到困擾……
• 好唔容易氹到細路瞓覺，又唔敢再開房燈……

喺獨戶旅館入面，即使細路又嘈又喊都唔使擔心會影響到其他人，榻榻米柔軟舒適，完全唔需要驚細路跌落床而受傷，一戶兩層嘅設計，喺樓上氹細路瞓覺，落樓就可慢慢制定第二天嘅計劃，又或者從容享受只屬於成年人嘅時間。

這裡有細路最喜歡嘅書、玩具、DVD 同電子遊戲，亦有可以煮飯嘅廚房；有能夠放鬆身心嘅高級客廳，更有可以俾親朋好友一齊開懷暢飲嘅吧台，保證令每一位客人喺旅途上，賓至如歸。

如果旅館入面再設有可以令旅行話題增添色彩嘅全副武裝武士像，或者可以著上羽織合影留念，又或者騎上單車親身感受呢個城市嘅大街小巷……您嘅家庭旅行，係不係更有樂趣呢？

獨戶旅館「忍者之家」，正正係我哋懷著一腔熱忱，將呢啲「如果」凝縮而成嘅產物。為咗成為「可以令客人同親朋好友增進感情嘅旅館」，SAMURAI HOUSE 時刻準備以最高水準嘅清潔、高品質嘅裝修同服務迎接您嘅來臨。

希望每人都可以享受喺私密空間同親朋好友分享旅途回憶嘅喜悅。
Better stay for family & group

武士之家
創於 2017.10

大家好，我係忍者之家嘅店主！從我構思呢個旅館開始，已經過去咗整整兩年。2017 年 10 月 11 日，忍者之家終於開業！

織田信長、豐臣秀吉同德川家康呢三代戰國大武將都喺愛知縣出世，因此我亦同樣為開設喺愛知縣嘅呢間旅館起名叫做忍者之家（SAMURAI HOUSE）。學生時代我曾經喺加拿大嘅多倫多住過，所以逐漸產生咗對喺日本開設外國人業務嘅興趣。

大學畢業之後，我入咗愛知縣廳工作，而我最初參與嘅工作就係愛知世界博覽會。最後愛知世界博覽會大獲成功，全程總共有 2500 萬人到場，喺熱烈嘅氣氛入面，我開始覺得觀光產業真係非常好玩！磁浮中央新幹線將會喺 2027 年開通，由東京到名古屋只係需要 40 分鐘，唔難想像到時會有幾大批遊客嚟到名古屋，而去到 2022 年，愛知縣吉卜力主題樂園就會落成。

到時候，政府就會開始大力振興觀光產業，東京奧運會、大阪世界博覽會，包括即將喺名古屋舉辦嘅亞運會，呢啲全部都係振興觀光產業嘅一部分。

「我不可以放過呢個機會。」

就咁，我辭去咗公務員嘅工作，為自己嘅夢想而奮鬥。

我屋企有一個就嚟 8 歲嘅仔，每次帶著細路一齊旅行，普通嘅商務酒店都令人覺得狹小，而且缺乏樂趣。所以，如果做一個獨門獨戶嘅租借式旅館，有單車，有電子遊戲，有 DVD，有繪本，有玩具，有盔甲……咁樣嘅旅館，唔係好有趣咩？就算唔提供食物，客人都可以喺名古屋站附近享受名古屋美食。就係咁，忍者之家卒之誕生。

我嘅夢想就係不斷提升呢個獨戶旅館忍者之家嘅知名度，令佢成為全日本最正嘅獨戶旅館。雖然呢種類型嘅旅館宜家仲未夠普及，但我會不斷努力，直到忍者之家喺日本全國開分店，等大家一聽到獨戶旅館，就可以聯想到忍者之家。

小小旅館都有大大嘅志向，如果可以得到客人嘅支持，咁就係我哋最大嘅幸運。